Aksident mes tri veturave dhe një autobusi në Veternik, Policia jep detaje

11:10 | 27 Shtator 2022
A. B.

Një aksident trafiku në mes të tri veturave dhe një autobusi ka ndodhur mëngjesin e sotëm.

Lajmin për arbresh.info e ka konfirmuar zëdhënësi i policisë për rajonin e Prishtinës, Agron Borovci.

Ai tha se në këtë aksident përveç dëmeve materiale edhe një person është lënduar.

“Rreth orës 08:15, është pranuar informata për një aksident trafiku rrugor të ndodhur në lagjen Veterniku, të komunës së Prishtinës Nga informatat e para bëhet e ditur se tri vetura dhe një autobus janë përfshirë në aksident dhe si pasojë e aksidentit përveç dëmeve materiale një person ka pësuar lëndime”, ka deklaruar Borovci.

Po ashtu ai tha se policia ka dalë në vendin e ngjarjes dhe ka nisur punën për hetimin e shkaqeve të këtij aksidenti./arbresh.info/